Déi nächst offiziell Tester sinn den 7. Oktober 2017 (Erwuessener & Jugendlecher) um 10 Auer an den 11. November 2017 (Kanner bis 9½ Joer)

Wéi qualifizéieren ech mech fir Mensa?

Jiddereen dee noweise kann datt en an engem iwwerwaachten IQ Test e Resultat erreecht, dat mindestens sou héich ass wéi d'Resultat vun 2% vun der Duerchschnëttsbevëlkerung (bzw. besser wéi 98% vun der Bevëlkerung), ka Member bei Mensa ginn. Et gëtt keng aner Méiglechkeet fir Member ze ginn.

Den Ausdrock "IQ" gëtt oft benotzt mä en ass a sech schlecht definéiert. Et ginn vill verschidden Zorten vun Tester mat verschiddene Skalen. E Resultat vun 132 Punkten bei engem Test kann dat selwecht heeschen wéi 148 Punkten an engem aneren Test. Fir Verwiesslungen ze vermeiden huet Mensa e Prozentsaz festgeluecht. D'Kandidaten mussen an engem standardiséierten IQ Test e Resultat erreechen dat zu deenen ieweschten 2% vun der Bevëlkerung gehéiert.

Et ginn zwou Méiglechkeete sech fir Mensa ze qualifizéieren: entweder et mécht een en Test bei Mensa selwer, oder et weist een no datt een en entspriechenden IQ an engem iwwerwaachten, vu Mensa unerkannten Test erreecht huet. Et ginn eng Rei vun Tester, déi Mensa unerkennt. Wann ee schonn eng Kéier en Test gemaach huet, kann ee sech direkt u Mensa wende fir gewuer ze ginn op deen Test unerkannt gëtt. Et brauch een dann allerdéngs eng certifiéiert Kopie vun senge Resultater.

Ier ee sech fir de Mensa Test mellt, sollt een als éischt de Mensa Pre-Test maachen. Deen ass gratis, an et fënnt een en och hei op eisem Internet-Site.

Gëtt et e Mensa Test?

Wann een nach ni en IQ Test gemaach huet, dann ass et am einfachsten den Test bei Mensa selwer ze maachen. Als éischt sollt een de Pre-Test (online IQ Test) maachen, fir seng Chancen anzeschätzen.

Wann d'Resultat vum Pre-Test gutt ass, da kënnt der eisen offiziellen Test probéieren. Den offiziellen Test gëtt iwwerwaacht a vun engem Psycholog verbessert. Aus dësem Grond musse mer 40€ fir den Test froen. De Pre-Test alleng geet net duer fir Mensa Member ze ginn.

Wichteg:

  • De Pre-Test ass net obligatoresch, et kann een och direkt de richtege Mensa Test maachen. Et sollt een awer bedenken datt de Pre-Test vläicht eng gutt Übung ass - et ass praktesch fir eemol ze gesinn, wéi esou en Test iwwerhaapt ausgesi kann. Ausserdeem ass de Pre-Test gratis, de Mensa Test selwer kascht.
  • Wann een den Test net gepackt huet kann een den Test no enger Zäit widderhuelen. De Widderhuelungstest kascht näischt!
  • D'Tester sinn net an all Land déi selwecht. Hei zu Lëtzebuerg besteet de Mensa Test aus zwee verschiddenen Tester, déi allen zwee "culture fair" sin. Dat heescht dat an deem Test keng sproochlech Kenntnisser gefuerdert sin.
  • Wichteg: Et ginn eng ganz Rei "IQ Tester" um Internet, déi e vollkomme falscht Bild vun IQ-Tester vermëttelen. Am Mensa Test gëtt kee Wësse gefrot, et gi keng Rechenaufgaben an et gi keng sproochlech Kenntnisser getest.

Dëst ass een unerkannte méistufegen Test ënnert der Opsiicht vun engem Psycholog, deen un éischter Plaz dofir geduecht ass Leit opzespieren déi intellektuell hirem Alter viraus sinn. Ee Resultat dat t'selwecht oder besser ass wéi dat vun 98% vun der Bevëlkerung gëtt engem d'Recht, Member vu Mensa ze ginn (www.mensa.lu an www.mensa.org). Dësen Test enthält keng Froen zur Allgemengbildung, en test éischter d'logesch-mathematesch Fäegkeeten a Geschéckerlechkeeten (d'Vitesse vun der Informatiounsveraarbechtung, d'Analys an d'Synthes, d'Léift zum Detail, etc.). Wann de Kandidat net déi néideg Punktenzuel erreecht fir Member vu Mensa Lëtzebuerg ze ginn, dann huet en d'Recht, den Test nach eng zweete Kéier gratis ze maachen.

Deen Test gëtt 2x d'Joer vu Mensa Lëtzebuerg organiséiert. Datum an Adress fann dir op dësem Site (giel Këscht uewen op all Säit).

Wat gëtt am IQ-Test gefrot?

Beim lëtzebuergesche Mensa IQ-Test ginn et weder Froen iwwer d'Allgemengbildung, nach Kultur, Schoul oder sproochlech Kompetenzen. Et geet villméi ëm dat logesch-mathematescht Verständnis, d'Vitesse vir d'Informatiounen ze verschaffen, d'Analyse, d'Oppassen op Detailer, etc.

Et handelt sech ëm en unerkannten an homologéierten Test ënnert der Opsiicht vun engem Psycholog, wou et drëm geet, iwwerduerchschnëttlech begaabten an héichbegaabte Persounen ze entdecken.

E Resultat dat d'selwecht oder besser ass wéi bei 98% vun der Bevëlkerung gëtt engem d'Recht, Member bei der Organisatioun MENSA (www.mensa.lu, www.mensa.org) ze ginn.

Wéi ginn ech gewuer, wéini deen nächsten Mensa IQ-Test stattfënnt?

Den Datum vum nächsten Test steet an der gieler Këscht déi uewen op all Säit vun eisem Site ass.

Wéi schreiwen ech mech fir den Mensa IQ-Test an (ab 9 Joer), an wéi leeft dat praktesch of?

D'Aschreiwung fir den Test fir Jugendlecher an Erwuessener ass ob der Plaz, wou den Test gemaacht gëtt, a fänkt eng hallef Stonn virum Ufank vum Test un.

ADRESS: 35, rue de Bonnevoie, L-1260 Luxembourg
RECEPTIOUN/KEES: ab 9.30h
UFANK VUM TEST: 10.00h
DAUER: 1 Stonn fir Jugendlecher vun 9-14 Joer, 2 Stonnen fir Persounen ab 14 Joer.
PRÄIS: Den Test kascht 40€, ze bezuelen (boer) op der Plaz. Do gëtt dann an engems de formulaire d'inscription ausgefëllt. Wann een de Score Mensa bei der éischter Kéier net erreecht, däerf een den Test eng Kéier gratis widderhuelen.

D'Resultater ginn 2-4 Wochen nom Test mat der Post geschéckt.

Leider kënnen mir keng Ufro zu de Resultater per Email oder Telefon beäntweren.