Déi nächst offiziell Tester sinn de 25. Abrëll 2020 (Erwuessener & Jugendlecher) um 10 Auer an den 23. Mee 2020 (Kanner bis 9½ Joer)

IQ Test: Allgemeng Informatiounen

Dëst ass een unerkannte méistufegen Test ënnert der Opsiicht vun engem Psycholog, deen un éischter Plaz dofir geduecht ass Leit opzespieren déi intellektuell hirem Alter viraus sinn. Dësen Test enthält keng Froen zur Allgemengbildung, en test éischter d'logesch-mathematesch Fäegkeeten a Geschéckerlechkeeten (d'Vitesse vun der Informatiounsveraarbechtung, d'Analys an d'Synthees, d'Léift zum Detail, etc.).

Deen Test gëtt 2x d'Joer vu Mensa Lëtzebuerg organiséiert, an Zesummenaarbecht mat engem Psycholog. Datum an Adress fann dir op dësem Site (giel Këscht uewen op all Säit).

Speziell Informatiounen

Dësen Test ass geduecht fir Kanner am Alter tëschent 6,5 an 9,5 Joer (um Dag vum Test). Kanner a Jugendlecher déi méi al wéi 9 Joer sinn dierfen op Demande um Test fir Erwuessener matmaachen.

Well an dësen Test keng Allgemengbildungsfroen dra sinn, a well och weder d'schoulesch nach d'sproochlech Kenntnisser vum Kand bewäert ginn, gëtt e "gudden" a "schlechte" Schüler déi selwecht Chancen. 'T ass net néideg sech virzebereeden, oder ze üben. D'Kand brauch net liesen a schreiwen ze kënnen. D'Explikatiounen sinn op Lëtzebuergesch, a, falls néideg, op Däitsch, Franséisch an Englesch. Den Test dauert ongeféier eng hallef Stonn. Dësen Test ass no Altersklassen agedeelt, a gëtt an zwou Sëtzunge / Gruppen ofgehalen. D'Andeelung a Gruppen gëtt duerch dem Kand säin Alter bestëmmt (an duerch d'Alter vun deenen anere Kanner déi och do sinn), a kann, zesumme mat der genauer Auerzäit wéini et lass geet, eréischt matgedeelt ginn wann all Umeldungen era sinn. De Präis vu 40€ ass boer op der Plaz ze bezuelen, just virum Test. D'Resultater ginn 2-4 Wochen nom Test per Bréif matgedeelt. Et gi keng Resultater per mail oder Telefon matgedeelt!

Aschreiwung

Gitt w.e.g. bei der Aschreiwung (op kidstest@mensa.lu) folgend Informatiounen un:

  • Numm, Virnumm,
  • Geschlecht a Gebuertsdatum vum Kand,
  • Genau Adress wou d'Resultat soll hi geschéckt ginn,
  • Numm vun den Elteren, Telefonsnummeren, Handy's Nummer vun dem Elterendeel deen d'Kand bei den Test bréngt,
  • E-Mail Adress vun den Elteren,
  • Mammesprooch vum Kand, an aner Sproochen déi et versteet,
  • D'Nationalitéit vum Kand?
  • Huet et schonn eng Kéier een IQ-Test gemaach?
  • Wa jo, wéini war dat, wellechen Test, a wéi war d'Resultat?
  • Nëtzlech Informatiounen iwwert d'Perséinlechkeet vum Kand wa se den Test kéinte beaflossen.

Zousätzlech Informatiounen: mensakids@mensa.lu oder um Tel. 691 800 665 .

Dir kënnt do uruffen vun Dënschdes bis Donneschdes no 10 Auer. Déi 2 Woche just virum Test kënnt der vu Méindes bis Donneschdes vun 9 bis 11 Auer do uruffen.