Déi nächst offiziell Tester sinn den 29. Abrëll 2017 (Erwuessener & Jugendlecher) um 10 Auer an de 20. Mee 2017 (Kanner bis 9½ Joer)

MensaKids & Family ass ee vun de „Special Interest Groups“ (SIGs) vu Mensa Lëtzebuerg a gouf am Joer 2010 vun enger Grupp Eltere vun héichbegaabte Kanner gegrënnt.

Déi Elteren (an heiansdo och de Schoulmeeschter / d'Joffer) hu festgestallt dass dës Kanner anescht agéiert oder reagéiert hunn wéi hir Klassekomeroden, an si wollten d'Ursaachen vun deem ofwäichende Behuelen raus fannen. Fir déijéineg Kanner, bei deenen d'Ursaach an enger Héichbegaabung läit, ass et vun onschätzbarem Wäert aner Kanner kennen ze léieren, déi an der selwechter Situatioun sinn. Bei dëse Renconteren kënnen dann och d'Elteren vun den Erfarungen vun aneren Elteren profitéieren.

MensaKids wëll hinnen eng interaktiv Plattform fir Zesummenaarbecht ubidden.

De Konzept besteet doran, all puer Wochen een Treffen ze organiséieren, an och aner Aktivitéiten: Atelier'en, Workshopen, Besichtegungen, Féierungen, asw.; awer och IQ-Tester fir Kanner, Elterentreffen, Virträg oder Diskussiounsronnen mat Interesséierten an/oder Betraffenen, Léierpersonal, Psychologen, asw.

Är Iddien a Virschléi si wëllkommen

Dir kënnt eis op der E-mail Adress kids@mensa.lu erreechen, oder telefonesch: 691 800 665 Dënschdes bis Donneschdes no 10 Auer (eventuell Puer Mol probéieren), virun den Tester och op all anere Wochendeeg, ausser Freides.

D'Aktivitéite vu MensaKids (Planung an Organisatioun) ginn erméiglecht duerch d'Aarbecht an d'Engagement vu ganz wéinege Benevolen.